തമിഴ്‌നാട് നിയമസഭാ തിരഞ്ഞെടുപ്പ്-Tamilnadu Assemply Election-2026: എൻഡിഎ സീറ്റ് വിഭജനം സൗഹാർദ്ദപരമായി പൂർത്തിയാക്കും

Share this post

Tamilnadu Assemply Election-2026: എൻഡിഎ സീറ്റ് വിഭജനം സൗഹാർദ്ദപരമായി പൂർത്തിയാക്കും – പിയൂഷ് ഗോയൽ

തിരിച്ചിരാപ്പള്ളി :തമിഴ്‌നാട് നിയമസഭാ തിരഞ്ഞെടുപ്പ് എൻഡിഎ സഖ്യത്തിന്റെ സീറ്റ് വിഭജനം സൗഹാർദ്ദപരമായ അന്തരീക്ഷത്തിൽ പൂർത്തിയാക്കുമെന്ന് കേന്ദ്രമന്ത്രി പിയൂഷ് ഗോയൽ. തിരുച്ചിറപ്പള്ളിയിൽ പ്രധാനമന്ത്രി നരേന്ദ്ര മോദി പങ്കെടുക്കുന്ന വമ്പിച്ച റാലിക്കുമുന്നോടിയായി വാർത്താ ഏജൻസിയായ എഎൻഐയോട് സംസാരിക്കുകയായിരുന്നു അദ്ദേഹം. എഐഎഡിഎംകെ ജനറൽ സെക്രട്ടറി എടപ്പാടി കെ പളനിസ്വാമിയുടെ നേതൃത്വത്തിൽ എൻഡിഎ തമിഴ്‌നാട്ടിൽ സർക്കാർ രൂപീകരിക്കുമെന്നും അദ്ദേഹം ആത്മവിശ്വാസം പ്രകടിപ്പിച്ചു.

Tamilnadu Assemply Election-2026: സ്റ്റാലിൻ സർക്കാരിനെതിരെ രൂക്ഷവിമർശനം

ഡിഎംകെ സർക്കാരിനെതിരെയും മുഖ്യമന്ത്രി എം.കെ സ്റ്റാലിനെതിരെയും രൂക്ഷമായ ആരോപണങ്ങളാണ് പിയൂഷ് ഗോയൽ ഉന്നയിച്ചത്. തമിഴ്‌നാട്ടിലെ ജനങ്ങൾ മാറ്റം ആഗ്രഹിക്കുന്നുവെന്നും അഴിമതി നിറഞ്ഞ സ്റ്റാലിൻ ഭരണത്തിൽ നിന്ന് അവർക്ക് മോചനം വേണമെന്നും അദ്ദേഹം പറഞ്ഞു. ഉദയനിധി സ്റ്റാലിന്റെ നേതൃത്വത്തെ ഡിഎംകെയിലെ പലർക്കും അംഗീകരിക്കാൻ കഴിയുന്നില്ലെന്നും സ്റ്റാലിൻ തന്റെ മകനെ പാർട്ടിയിൽ അടിച്ചേൽപ്പിക്കുകയാണെന്നും ഗോയൽ ആരോപിച്ചു. തമിഴ് സംസ്കാരത്തിനും പാരമ്പര്യത്തിനും വിരുദ്ധമായ നിലപാടുകളാണ് ഡിഎംകെ സ്വീകരിക്കുന്നതെന്നും അദ്ദേഹം കൂട്ടിച്ചേർത്തു.

മോദിയുടെ വികസന പദ്ധതികൾ തമിഴ്‌നാടിന് കരുത്താകും Tamilnadu Assemply Election-2026 പ്രചരണത്തിൽ

കൂടുതൽ വാർത്തകൾ വായിക്കുക:

പ്രധാനമന്ത്രി നരേന്ദ്ര മോദിക്ക് തമിഴ് ജനതയോടും അവരുടെ സംസ്‌കാരത്തോടും വലിയ ബഹുമാനമാണുള്ളതെന്ന് പിയൂഷ് ഗോയൽ പറഞ്ഞു. തമിഴ്‌നാടിനെ രാജ്യത്തെ ഏറ്റവും മികച്ച സംസ്ഥാനമാക്കുകയാണ് മോദിയുടെ ലക്ഷ്യം. കേന്ദ്ര സർക്കാരിന്റെ എല്ലാ വികസന പദ്ധതികളും സംസ്ഥാനത്ത് നടപ്പിലാക്കാൻ എൻഡിഎ ഭരണത്തിലൂടെ സാധിക്കുമെന്നും അദ്ദേഹം പറഞ്ഞു. മണൽ മാഫിയയ്ക്കും മദ്യ അഴിമതിക്കും അറുതി വരുത്തി ‘അമ്മ’യുടെ (ജയലളിത) കാലത്തെ സുവർണ്ണ ഭരണം തിരികെ കൊണ്ടുവരുമെന്നും അദ്ദേഹം വാഗ്ദാനം ചെയ്തു.

5,650 കോടിയുടെ പദ്ധതികൾക്ക് തുടക്കം

തിരുച്ചിറപ്പള്ളിയിൽ 5,650 കോടി രൂപയുടെ വിവിധ വികസന പദ്ധതികൾക്കാണ് പ്രധാനമന്ത്രി ഇന്ന് തുടക്കം കുറിക്കുന്നത്. പെട്രോളിയം മേഖലയിൽ ഭാരത് പെട്രോളിയം കോർപ്പറേഷന്റെ സിറ്റി ഗ്യാസ് ഡിസ്ട്രിബ്യൂഷൻ നെറ്റ്‌വർക്ക് ഉൾപ്പെടെയുള്ള സുപ്രധാന പദ്ധതികൾ ഇതിൽ ഉൾപ്പെടുന്നു. നീലഗിരി, ഈറോഡ് ജില്ലകളിലായി 3,680 കോടി രൂപയുടെ നിക്ഷേപമാണ് ഈ പദ്ധതിയിലൂടെ നടപ്പിലാക്കുന്നത്. ഇത് ഏകദേശം 8.8 ലക്ഷം വീടുകളിൽ ഗ്യാസ് കണക്ഷൻ എത്തിക്കാൻ സഹായിക്കും. കൂടാതെ, ചെന്നൈ മണലിയിൽ ഇന്ത്യൻ ഓയിൽ കോർപ്പറേഷന്റെ ലൂബ് ബ്ലെൻഡിംഗ് പ്ലാന്റും പ്രധാനമന്ത്രി രാജ്യത്തിന് സമർപ്പിക്കും.